Banner

غزل: اجمل ښکلی

20.09.2010 18:32

حيران صاحب سلامونه!
ستا د غزل په مطلع خپل يو مات ګوډ غزل درلېږم، هيله ده چې خوښ به دې شي.
( ساه پکې راشي او ژوندی شي سړی
چې شي مين ايله سړی شي سړی  )
چې د چا ګل زړګي ته لاره وکړي
د چا د ګل زړګي زړګی شي سړی
چې مينه نه لري او درد نه لري
د ژوند د زړه د سر ازغی شي سړی
چې د ښايست پر ملک دې راج وکړمه
زړه راته وايي چې کرزی شي سړی
وتلی شي د محبت له اودې
که له اودې د ژوند وتی شي سړی
زما د خوږ پرهر غوټۍ پرانيزي
راشي ديدن راکړي سپرلی شي سړی
څنګه د اور له پړاوونو تېر شي
څنګه د چا زړه ته و رتلی شي سړی
د جانان سره خولګۍ او سره اننګي
کله غاټول کله رېدی شي سړی
ولې د کرکې پر ځای زړه باينلي
چې ازغي ږدي، ګل هم کری شي سړی
اجمل د زړه له زور پرېوتی سړی
څنګه د ژوند پر لوړ ختی شي سړی.

مجيب ا لرحمان 21.09.2010 21:27

wroora der kha no khodai de shande lare saryan hahahhaha za h.,.,..,.,..,wai.,.,.,.,.zar de sham sarya che saree de tal stayle de .,.,.,.,.,.,.,.,.,.,.,qadar de saryo kho saryano bande kha khkaree .,.,.,hamda ows me staso lapara yad sha .,.,.,.,.,staso wror mojeeb niazi <br />

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.